short story on PATIENCE(धैर्य ) in hindi kisaan ka dhairy(धैर्य )
namaskaar doston aaj ham aapake saath ek aise kisaan kee kahaanee sheyar karane ja rahe hain jisake dhairy kee pareeksha anek kathin paristhitiyon dvaara li jaatee hai| is kahaanee mein kisaan ka badalata svabhaav kaaphee had tak hamaare asal jeevan kee jhalak bhee bataata hai kee kaise bura hone par hamaare vichaar bhee nakaaraatmak ho jaate hai aur phir pal bhar mein jab kuchh achchha ghatit hota hai to hamaare vichaar bhee badal kar sakaaraatmak ho jaate hai | jab bhee hamaare anukool kuchh ghatit nahin hota hai to ham ye maan lete hai kee hamaare saath bura hua hai aur nakaaraatmak ho jaate hai bina ye jaane kee jo ghatit hua hai vo hamaare lie achchha hai ya bura. hamaare saath ghatee ghatana ka bhavishy mein kya prabhaav ghatega ye hamen khud nahin pata hota aur aise mein dhairy hee ek saathee hota hai jo aapakee aashao ko banaaye rakh sakata hai aur is saathee ko pakadana aapake lie sakaaraatmakata lekar aata hai aur laabhakaaree ghatit hota hai. aaj ye kahaanee aapako kathin paristhitiyon mein dhairy ka mahatv seekhaayegee |
short story on PATIENCE in hindi kisaan ka dhairy
ek samay kee baat hai | ek kisaan tha jisake paas ek ghoda tha | vah apane is ghode se bahut pyaar karata tha | is ghode par use bahut garv tha jo kisaan kee kamaee ka jariya tha | is kamaee se kisaan apane parivaar ka pet bharata tha | lekin ek din vah ghoda bhaag gaya | usake bhaagane ke baad samaaj ke sabhee log aur us kisaan ke padosee usake paas aakar usase kahane lage “he bhagavaan ! tumhaara ghoda, jis par tumhe bahut ghamand tha, vah to bhaag gaya |” usako saantvana dene lage kee usake saath bahut bura hua | lekin kisaan ne usaka javaab bahut hee sahajata se dete hue kaha “haan ! bahut bura hua |”
agale din
agale din ghoda vaapas aa gaya | lekin sirph ghoda vaapas nahin aaya balki vah apane saath 3 jangalee ghode bhee laaya | phir usake padosee usake paas daudate hue aaye aur us kisaan se kaha “aapaka ghoda aa gaya aur apane saath 3 aur ghode bhee laaya hai | ye to bahut achchhee baat hai, aapakee kismat to bahut achchhee hai |” kisaan bahut khush hua, unakee taraph dekha phir usaka javaab bahut hee saadhaaran roop se diya aur kaha ” haan ! shaayad |”
kuchh dinon baad
kuchh dinon baad kisaan ka beta us jangalee ghode mein se ek ko kaam ke lie upayogee banaane kee koshish kar raha tha | lekin isee koshish ke dauraan ghode ne use phenk diya aur usaka pair buree tarah se toot gaya |
phir usake padosee usake paas aaye aur bolane lage “us paagal ghode ne dekho tumhaare bete ke saath kya kiya, usane pair tod die | ye to bahut bura hua |” kisaan dukhee hua aur phir se usee tarah javaab diya aur kaha “haan! shaayad mere bete ke saath galat hua |”
agale din
agale din sena ke kuchh javaan us kisaan ke ghar aate hain jo jang chhidane ke kaaran nae javaano kee bhartee kar rahe the | usame se ek javaan ne kisaan ke bete ko dekha aur bola “isaka to pair tuta hua hai ham ise sena mein bhartee nahin kar sakate |” aur ve javaan gaanv ke sabhee ladako ko lekar chale gae |
ye sunakar us kisaan ke padosee aur baakee gaanv ke log usake paas aaye aur bolane lage “kya kismat hai tumhaaree tumhaare bete ko jang mein nahin jaana pada | hamaare beton ko javaan jang ke lie le gae | tumhaaree kismat sach mein bahut hee achchhee hai |” is aakhiree baar bhee kisaan ne phir se badee sahajata se kaha “haan ! shaayad |”
Moral of the Story
kahaanee ka moral ye hai kee – hamaare lie cheezo ko nakaaraatmak dhang se sochane mein jara bhee samay nahin lagata | jab bhee kuchh hamaare anukool nahin hota ham use bura hee samajhate hain | lekin sach baat to ye hai kee koee nahin jaanata kee jo hamaare saath ghata hai vo bura hai ya achchha | is kahaanee mein bhee kisaan ke bhaavon mein parivartan paristhitiyon ke kaaran hota hai. booree paristhitiyon mein vah nakaaraatmak ho jaata hai aur achchhee paristhitiyon mein sakaaraatmak. in nakaaraatmak aur sakaaraatmak paristhitayo ke beech ke samay mein dhairy rakhana bahut jarooree ho jaata hai.